दूर्वा

1. दूर्वा चांगली स्वच्छ धुऊन वाटून पिळून रस काढावा. अंगावर अधिक प्रमाणात पाळीत रक्त जात असल्यास 5ml एवढ्या प्रमाणात साखर व मध मिसळून घ्यावे. रक्तस्राव कमी होतो. 
2. एक भाग तूप व त्याच्या 4पट दुर्वा रस घेऊन फक्त तूप राहिल एवढे आटवावे. पुरुषांमध्ये शुक्राची वाढ करण्यासाठी हे तूप रोज वैद्यकीय सल्ल्यानुसार 10ml प्रमाणात रोज घ्यावे 
3. शरीराची ओजशक्ती, रोगप्रतिकारक शक्ती वाढवण्यासाठी वरील तूपाचा रोजच्या आहारात समावेश करावा 
4. गर्भिणी अवस्थेत रक्तस्राव होणे, गर्भपात होण्याची शक्यता वाटत असल्यास दूर्वा रस मधसाखरेतून दिल्यास फायदा होतो. म्हणूनच दूर्वा ला प्रजास्थापनी  म्हणतात.(प्रजा म्हणजे गर्भ) 
5. गर्भ धारणा करण्याआधी  3महिने दुर्वा पासून तयार केलेले तूप वैद्यांच्या सल्ल्यानुसार घ्यावे. त्यामुळे गर्भाशय शुद्ध, रोगविरहीत होते. व उत्तम गर्भधारणा होते. 
6. गर्भिणी अवस्थेच्या पहिल्या 3महिन्यात  दूर्वा तूप रोज 10ml घेतल्यास गर्भपात होण्याची शक्यता कमी होते व गर्भ दृढ, स्थिर होतो. 

Vd Pratibha Bhave 

BAMS MD

(Prasutitantra Streeroga) 8766740253