प्रसूतिनंतरची कंबरदुखी

दुखण्याची कारणे:-

1. ह्याचे मुख्य कारण शरीरात होणारा हार्मोन्स चा बदल हे आहे. Relaxin व progesterone हे गर्भिणी अवस्थेत मोठ्या प्रमाणात निर्माण होतात.प्रसूति होण्यासाठी निसर्गाने केलेली ही तयारी असते. परंतु प्रसूति झाल्यावर सुध्दा ते हार्मोन्स शरीरात राहतात त्यामुळे कंबरेचे पाठीचे दुखणे निर्माण होते. 
2. गर्भिणी अवस्थेत गर्भाच्या भारामुळे कंबरेवर ताण येतो व कंबरेचे दुखणे गर्भिणी अवस्थेत सुरु होऊन प्रसूति(delivery) झाल्यावर सुद्धा राहते
3. जर नाॅर्मल डिलिव्हरी झाली असेल तर कळा घेतांना कंबरेच्या स्नायुंवर ताण येऊन प्रसूति नंतर कंबर दुखते 
4. प्रसूति झाल्यावर योग्य विश्रांती मिळत नसेल, पुरेशी झोप मिळत नसेल, बाळाला सारखे उचलणे ह्यामुळे दुखणे वाढते. 
5. दुध पाजतांना बसण्याची पद्धत योग्य नसेल तर पाठीच्या कण्यावर ताण पडतो व कंबर, पाठ, मान दुखू लागते. 

प्रसूति नंतर कंबर पाठ दुखू नये म्हणून 

1. प्रसूतिनंतर बला तेलाने मालिश, शेक, पोटपट्टा बांधावा
2. अहळीवाची, खसखसची खीर दुधात बनवून प्यावी
3. शतावरी कल्प, बाळंत काढा, दशमुलारीष्ट, डिंकलाडु घ्यावे
4. पूर्ण विश्रांती घ्यावी. जागरण करु नये. दुध पाजण्याची पद्धत शिकून घ्यावी. जड वस्तू उचलू नये. 
5. मांसाहारी असाल तर मटन, चिकन सूप, अंडी ह्याचा आहारात समावेश करावा. 

साधारणपणे प्रसूतिनंतर 6 महिन्यापर्यंत दुखणे थांबते. त्यानंतरही दुखणे असेल तर वैद्यकीय सल्ल्या, उपचार करावे.